بزاف كيسول على كيفاش اقدر اشري بيسي مزيان في هاذ الوقيتة بالظبط. بغيت نبارطاجي معاكم هاد المقال من صفحة موقع توجيه تكنو يقدر ينفع شحال من واحد✌️
بغيت نشري حاسوب ولاكين معارف عليهوم والوا وخايف يقولبوك صحاب الحواسيب؟ قراااا مزيان🔥
فهاذ البوسط غنعطيك واحد التصور صغير. متقراش الموضوع بالزربة، بل جيب ورقة و ستيلوا و قيد نقاط و ديهوم معاك باش متنساهومش في عملية البحت ديالك.
دير فبالك بلي مكاين شي حاجة سيرتها أحسن بيسي فالعالم، إنما أحسن بيسي بالنسبة ليك، لانه حاسوب د البرمجة ماشي هو ديال الديزاين، ماشي هو ديال Gameing...
انا غاذي نركز بزاف على البرمجة، حيت بكل بساطة هي لي غادي نقيسو عليها الخدمة ديالنا و داكشي الأخر.
أول شيء أخي هو واش باغي:
- حاسوب مكتبي.
- حاسوب محمول
- حاسوب Mini
هنا مغنوحلوش بزاف، حاسوب مكتبي راه أفضل و أحسن من ناحية الأداء و أقل من ناحية التمن و ممكن تحلوا و تبدل فيه القطع و تزيد ليه و تنقص... ولاكين راكعارف شنو كاين، ميمكنش تمشي تدي بيسي بيرو للقهوة و تريح ولا تخرجوا معاك كيبقا فالدار فقط.
و عواتاني الحاسوب المحمول تديه معاك فينما مشيتي ولاكين كيكون غالي شوية مقارنة مع المكتبي حيت نفس المواصفات فحجم أصغر.
بيسي ميني عوتاني نفس الشي بالنسبة للمحمول و لاكين هو تيكون أصغر منوا شوية، تقريبا أصغر شوية من دفتر 200 ورقة من الحجم الكبير.
نفتارضوا باغيه لدري صغير ولا محتاجوا كل مرة تزيد و تنقص من القطع، باغي الأداء بتمن أفضل، علبك بالحاسوب المكتبي.
محتاج التنقلات بزاف داخل المنزل او السفر أو العمل أو الدراسة، كنصحك بالمحمول و لي تيخاف يتعرضوا ليه الشفارة و لا يشوفوه عندوا ياخد mini حيت ممكن تخشيف فكرطاب صغير و ميبانش كاع.
# تاني حاجة هي المعالج Cpu راه هو الذماغ و هو باش تيفكر الحاسوب، صحاب البرمجة و المنتاج ركزوا عل المعالج، راه المعالج هو كلشي. كاينين بزاف ديال الموديلات فالمعالج:
core 2 deo
core 2 quad
core i3
core i5
core i7
core i9
إلا كنتي اقل أقل حاجة تاخذها هي i3 متنزلش على هذا. يعني اخر شيء متنزلش عليه حيت غاذي تعذب بزاف، و إذا معندكش الفلوس، صبر تا تكملهوم.
ولاكين انا تنصحك ب i5 أو i7، هاذوا هوما الأحسن بتمن الافضل، يعني المعالج خوذ i5 ولا i7 حاول تبعد من ذوك الأخرين.
مزيان، دابا خاصك تعرف بلي المعالج راه فيه أجيال، يعني كل معالج كتدير الشركة اجيال من هاذ المعالج. و كلما كان جيل المعالج أعلى كلما كان أحسن من ناحية الأداء و الجيل ممكن تعرفوا بالرقم الرابع لي كيكون جاي مع المعالج:
متلا:
i7 4325m: الجيل الرابع
i3 8735U: الجيل التامن
إذا كانوا غير 3 أرقام فقط إذن راه من للجيل الأول:
i3 457H: الجيل الأول
كنضن كولشي واضح، بالنسبة للحرف كنصحك تبعد على المعالجات لي فيها الحرف U و Y حيت هي مصممة للإقتصاد على الطاقة مدام نتا كتقلب على أداء و إذا كنتي فقط للتصفح و الافلام و الفيسبوك نصحك تاخذ U أو Y.
# تاني شيء و هو رام الحاسوب، حاول متهبطش على 4 جيكا، ألا كني ناوي غير تصفح مواقع التواصل الإجتماعي و تفرج فالمسلسلات... أفضل قيمة تقدر تاخذها هي 8 جيكا، كافية لكلشي، البرمجة، ديزاين... و الرامات راه أنواع:
ddr 1
ddr 2
ddr 3
ddr 4
كل وحدة أسرع من التي قبلها، حاجة مزيانة بتمن فالمتناول و هي DDR 3، النوع 4 هو الأحسن ولاكين غيضربوك فالتمن حيت باقي ممتوفراش بزاف فالسوق.
متاخذوش النوع 1 و 2 خوذ النوع 3 حيت هي الأسرع و الأفضل.
# تالت شيء و هو القرص الصلب، فين تيتخزنوا المعلومات و البرامج و كولشي، إذا شريتي حاسوب قوي و كان القرص صلب ضعيف راه قالب خايب هذا، حيت نتا موفرتيش لذاك الحاسوب المعلومات بسرعة كافية باش يعالجها. يعني خاصك قرص صلب من نوع SSD ، ماتحاولش تغلط تاخد بيسي فيه قرص صلب HDD حيث كيكون ثقيل شوية أما SSD فراه أسرع واحد.
# تالت شيء و هو البطارية، حاسوب محمول بلا بطارية يعني مسميتوش محمول هذاك حاسوب مكتبي، لذالك شريتي حاسوب سول على شحال كيدي البطارية، و ضاروري تكون 3 ساعات او أكتر من الإستخذام العادي.
# رابع شيء و بطاقة الرسوميات، بطاقة الرسوميات هي المسؤولة على الكرافيك و العرض، انا فالمجال لي تنخذم فيه، صراحة متنحتاجش بزاف بطاقة الشاشة، لذالك معنديش عليها بزاف معلومات من غير انها غير تكون عندك بطاقة شاشة عادية ديال intel راه غتكون مسلكة فالبرمجة و تا الديزاين، و أنا تنمونطي بمنتجات Adob عادي غير بكارط كرافيك عادية:
intel 4gb
حيت مركز على أشياء أخرى من اهمها قرص الصلب و المعالج و الرام.
حوايج أخرى تتعتابر تانوية و هي، تقلب الشاحن و تتأكد بلي ديالوا أصلي. و الشاشة ميكونش فيها نقط سوداء حيت غيزيدوا يكباروا مع الوقت، و كذالك الحقيبة فين تحطوا تحافض عليه و اخر شيء هو الضوء في لوحة المفاتيح، هي الحاجة الوحيدة لي ندمت عليها، لأنه الكتابة فالكلافي فالضلمة كتمرضني بزاف، متلا فاش نتريح ندخل الكود خاصني نبقا نحنزز فالكلافي. و الناس لي عزيز عليهوم الزواق و داكشي كايني بيسيات كيتطواو و كيولي طابليت و فيه طاكطيل كيجر العين بزاف 😀. و كارط ويفي
أخر شيء ترشيح لأفضل حاسوب فالفئة السعرية 55 ألف كنقتارح:
Hp elite book 840 g1
i5 5generation 2.6 ghz
disk ssd 256 gb
8 gb ram ddr3
cart grafique intel 4400 4gb
✅ كان هذا مقال مفيد من مموقع توجيه تكنو نتمنى يتبارطاجا لتعم الفائدة بينك وبين الناس تهلاو.